सुर्खेत–वीरेन्द्रनगर नगरपालिकामा फायर ब्रिगेड कर्मचारीका लागि पाँच दिने फायर फाईटिङ्ग पूनर्ताजगी तालिम सम्पन्न भएको छ । नगरपालिकामा आईपर्ने आगलागी, विपदजन्य घटना न्यूनीकरण गर्न युएसएआइडी तयार नेपालको सहयोगमा आगलागी व्यवस्थापन पुनस्र्थापना तालिम सम्पन्न भएको हो ।
तालिम समापन गर्दै वीरेन्द्रनगरका नगर प्रमुख मोहनमाया ढकालले नगरपालिकामा हुनसक्ने अग्नीजन्य घटना नियन्त्रणका लागि तालिमले महत्वपूर्ण भूमिका खेल्ने बताउनुभयो । ‘आवश्यक औजारसहित दक्ष जनशक्ति परिचालन गरेर आगलागी नियन्त्रण गर्न नगरपालिका प्रतिवद्ध छ, उहाँले भन्नुभयो, तालिमले आगलागी व्यवस्थापनमा दक्ष जनशक्ति उत्पादन गर्ने मद्दत मिलेको छ ।’
तालिमका वरिष्ठ प्रशिक्षक सुनिता भारद्वाजले स्थानीय तहहरु आफ्नो सेवा क्षेत्रभित्र आवश्यक औजार र दक्ष जनशक्तियुक्त बन्न सके अग्नीजन्य घटनाबाट हुने क्षति कम गराउन सक्षम रहने बताउनुभयो । तालिममा सुर्खेतका वीरेन्द्रनगर, भेरीगंगा र गुर्भाकोटका साथै दैलेखको दुल्लु नगरपालिकाका २३ जना प्रशिक्षार्थीहरु सहभागिता रहेको थियो ।
कर्णाली समय । २५ चैत्र २०७९, शनिबार १५:४२