सुर्खेत- भोटेकोशी क्षेत्रमा भएको विपत्तिमा ज्यान गुमाउनेहरूप्रति कर्णाली केयर अस्पताल परिवारले भावपूर्ण श्रद्धाञ्जली व्यक्त गर्दै पीडित परिवारको पुनर्स्थापनाका लागि आर्थिक सहयोग गरेको छ ।
अस्पतालले प्रधानमन्त्री दैवी प्रकोप उद्धार कोषमा रु. ५ लाख ५५ हजार ५ सय ५५ सहयोग उपलब्ध गराएको जनाएको छ । विपत्तिमा ज्यान गुमाएका सम्पूर्णप्रति श्रद्धाञ्जली अर्पण गर्दै अस्पतालले पीडित परिवारको दुःखमा साथ दिन सहयोग रकम प्रदान गरेको हो ।
कर्णाली केयर अस्पतालले उक्त सहयोगलाई आर्थिक सहयोगभन्दा पनि विपत्तिबाट प्रभावित परिवारप्रतिको गहिरो समवेदना, मानवीय नाता र सामाजिक उत्तरदायित्वको प्रतिबिम्बका रूपमा लिएको जनाएको छ । अस्पताल परिवारले विपत्तिको कठिन घडीमा पीडितहरू एक्लो नरहेको भन्दै आगामी दिनमा पनि आवश्यकताअनुसार सहयोग गर्न आफूहरू तयार रहेको प्रतिबद्धता जनाएको छ ।
अस्पतालले विपत्तिमा ज्यान गुमाउने सम्पूर्णप्रति श्रद्धाञ्जली व्यक्त गर्दै शोकसन्तप्त परिवारजनप्रति गहिरो समवेदना प्रकट गरेको छ ।
कर्णाली समय । १६ भाद्र २०८३, मंगलवार २०:३०