सुर्खेत- राष्ट्रिय स्वतन्त्र पार्टी (रास्वपा) को प्रथम कर्णाली प्रदेश अधिवेशनबाट सभापति पदमा मदन खड्का निर्वाचित भएका छन् । खड्का २८८ मतसहित निर्वाचित भएका हुन् । सभापतिका प्रत्यासी स्नेहा उपाध्यायले ६३ र नन्दकिशोर बस्नेतले ३५ मत प्राप्त गरे । खड्का तदर्थ समितिको सभापति पनि थिए ।
अधिवेशनले उपसभापतिमा तुलाराज शाही, महामन्त्रीमा ललित चन्द, सहमहामन्त्रीमा राजबहादुर शाह र लक्ष्मी भट्टराईलाई चयन गरेको छ । सदस्यहरुमा कमल रावत, बुधे बुढा, कृष्णबहादुर खड्का, राजेन्द्रप्रसाद शर्मा, आकाश थापा, नवीन खड्का, सन्तोश बुढाथोकी, संगम गौतम, दानबहादुर बुढा, मोहन सुनार, टेकबहादुर चुनारा निर्वाचित भए । त्यस्तै गौराकुमारी घर्ती, निर्मला शाही, शिलु थापा, सरस्वती बुढा, खगिसरा बुढा, राधाकुमारी ढकाल, मनकुमारी सुनार, देवी विक, रामप्रसाद पाण्डे, यामराज पन्त र धर्मराज थापा निर्वाचित भए ।
आइतबारदेखि सुरु भएको अधिवेशनमा नेतृत्व चयनमा सहमति नजुटेपछि मंगलबार दिउँसो मतदान गरिएको थियो । अधिवेशनमा ५ सय ३० प्रतिनिधिले सहभागिता जनाएपनि मतदानमा ४ सय जनाले भाग लिएका थिए ।
कर्णाली समय । ३ असार २०८३, बुधबार १६:५७