सुर्खेत– फिरन्ते राउटे समुदायका अनेकौं विशेषतामध्ये एक हो, अड्डा अदालतप्रति विश्वास नगर्नू । आधुनिक जीवनशैलीदेखि निकै टाढा रहेका उनीहरु आम मानिसजस्तो प्रशासनिक पहुँचमा पनि छैनन् ।
फाइल फोटो
यो समुदायको आफ्नै न्याय प्रणाली छ । तर राउटे समुदायमाथि यस्तो परिस्थिति सिर्जना भयो, जसले अदालत धाउन बाध्य बनायो । घटना हो, २०८१ बैशाख २० गते गुराँस गाउँपालिका २ तल्लो डुंगेश्वरमा राउटे समुदायका सुरेन्द्रबहादुर शाहीकी २ वर्षीया छोरी जामुने शाहीलाई ट्रकले ठक्कर दियो । राउटे मुखियाले ट्रक चालक बल रावत विरुद्ध जिल्ला अदालत दैलेखमा मुद्दा दायर गरे । अन्ततः जिल्ला अदालतले चालक रावतलाई धरौटीमा छाड्ने आदेश सुनायो ।
जिल्ला सरकारी वकिल कार्यालयले असार २० गते पुनरावेदन गरेपछि यतिबेला राउटे मुखिया बीरबहादुर शाही उच्च अदालत सुर्खेत धाइरहेका छन् । विपक्षी (चालक) तर्फका कानुन व्यवसायीको आग्रहमा अदालतले केही दिनलाई पेशी सारेको छ । दैलेख प्रहरीका अनुसार राउटे आफैले दायर गरेको यो पहिलो उजुरी हो ।
२०७९ माघमा पूर्वी सुर्खेतमा आफ्नो समुदायका युवती यौन दुव्र्यवहारको सिकार हुँदा राउटे अगुवा नभई अधिकारकर्मीहरु न्यायको ढोका ढक्याउन पुगेका थिए ।
कर्णाली समय । ८ भाद्र २०८१, शनिबार १०:०५