सुर्खेत– लोकप्रिय ब्रान्ड प्लस साइज नेपालको एघारौँ शाखा सुर्खेतको जुम्ला रोडमा सञ्चालनमा आएको छ । नेपालभर शाखा विस्तार गरिरहेको प्लस साइज नेपालले शनिबारदेखि सुर्खेतमा शाखा विस्तार गरेको हो ।
शाखा उद्घाटन सामाजिक विकास मन्त्रालयको सामाजिक महाशाखा प्रमुख अनिता ज्ञवाली गरिन् । उद्घाटन कार्यक्रममा जेसिस सुर्खेतकी पूर्व अध्यक्ष सिया कार्की, युएनडिपी प्रतिनिधि क्यारिना श्रेष्ठ, युएनएफओ प्रतिनिधि सिर्जना कार्की, नेपाल जेसीसको राष्ट्रिय उपाध्यक्ष सिता भण्डारी, केनरोङकी प्रथम महिला अध्यक्ष कल्पना विष्ट र फिटनेस एक्सपर्ट केशव थापा लगायतको उपस्थिति रहेको थियो ।
एउटै कपडा ७ वटा भन्दा धेरै साइजमा बनाइरहेको प्लस साइज नेपाल, नेपाली प्लस साइज ग्राहाकहरुमा निकै प्रख्यात रहेको छ । प्लस साइज नेपालले पूर्वमा धरान, बिर्तामोड देखि पश्चिममा बुटवलसम्म शाखा सञ्चालन गरिरहेको छ । डेलिभरी सर्भिस नेपालभर भई रहेता पनि प्लस साइज नेपालको शाखा देशभर ११ वटा रहेको छ । प्लस साइज नेपालले सम्पूर्ण सोसल मिडिया र एप्समार्फत अनलाइनमा आफ्नो उपस्थिति देखाइरहेको छ ।
कर्णाली समय । २३ बैशाख २०८१, आईतवार १०:४७