सुर्खेत– कर्णाली प्रदेशका नवनियुक्त मुख्यमन्त्री यामलाल कँडेलले पद तथा गोपनियताको शपथ लिएका छन् ।
प्रदेश प्रमुख तिलक परियारले बुधबार पद तथा गोपनियताको शपथ गराएका हुन् । एमाले संसदीय दलका नेता कँडेल माओवादी केन्द्र र एकिकृत समाजवादीको सर्मथनमा मंगलबार मुख्यमन्त्री नियुक्त भएका थिए । एमाले र माओवादी केन्द्रबीच मन्त्रालय भागबण्डामा कुरा नमिल्दा मन्त्रीहरु भने नियुक्त भएका छैनन् ।
शपथ खाएलगत्तै मुख्यमन्त्री कँडेलले वीरेन्द्रनगर ४ स्थित शहिद पार्क पुगी शहिद स्तम्भमा माल्यार्पण गरेका थिए ।
कर्णाली समय । २८ चैत्र २०८०, बुधबार १७:११