सुर्खेत– नेकपा (एमाले) ले पहिलो मुख्यमन्त्रीका लागि प्रदेशसभामा झरेका नेतामध्ये एक हुन्, यामलाल कँडेल ।
शंकर पोखरेलदेखि पृथ्वीसुब्बा गुरुङ, अष्टलक्ष्मी शाक्य, शेरधन राई र भीमप्रसाद आचार्य पहिलो कार्यकालमै मुख्यमन्त्री भए । तर, तत्कालिन नेकपा र त्यसपछि एमालेभित्रको चर्को विवादका कारण कँडेलको पालो आएन । प्रदेशसभाको पहिलो कार्यकालमा एमालेले प्रदेशसभाको ५० प्रतिशत सदस्य जित्दा सरकारको नेतृत्व गर्न पाएन । कर्णालीका सबैभन्दा सिनियर नेता कँडेल २०७४ को आमचुनावमा प्रदेश रोजे । एमालेले कर्णाली प्रदेशका ४० सिटमध्ये २० सिटमा जित हात पा¥यो । एमाले संसदीय दलका नेता निर्वाचित भए, कँडेल । प्रदेश बाँडफाँटमा कर्णाली माओवादीको भागमा प¥यो ।
२१ फागुनमा केन्द्र सरकारमा एकाएक सत्ता गठबन्धन परिवर्तन भयो । योपटक प्रधानमन्त्री तथा माओवादी अध्यक्ष पुष्पकमल दाहाल प्रचण्ड र एमाले अध्यक्ष केपी ओली दुवै कँडेललाई मुख्यमन्त्री बनाउन तयार भए । केन्द्रीय सहमतिको बिरोधमा मुख्यमन्त्री राजकुमार शर्माले आनाकानी गरे पनि अन्ततः बुधबार राजिनामा दिन बाध्य भए । विगत तीन दिनयता चलेको राजनीतिक भेटघाट र छलफलपछि बुधबार मुख्यमन्त्री शर्मा राजीनामा दिन तयार भए । मुख्यमन्त्री शर्माले मार्ग प्रशस्त गरेपछि अब कँडेललाई मुख्यमन्त्री बन्ने बाटो खुलेको छ ।
२०७९ को चुनावमा कांग्रेस र माओवादी केन्द्र गठबन्धन बनाएर चुनाव लडे । यसपटक पनि कँडेल रणनीतिक रूपमा संघमा नलडी प्रदेशमै उम्मेदवार बने । जितेपनि । चुनावी नतिजाले प्रदेशसभामा एमालेलाई कमजोर बनायो तर केन्द्रमा कांग्रेस–माओवादीको गठबन्धन भत्किएर १० पुस २०७९ मा एमाले–माओवादी गठबन्धन बन्यो । यसले फेरि कँडेल मुख्यमन्त्री हुने सम्भावनाको ढोका खुल्यो । तर, गठबन्धनमा कर्णाली प्रदेश पुनः माओवादी केन्द्रको भागमा प¥यो । माओवादी र एमालेबीच आधाआधा कार्यकाल बाँड्ने सहमति भने गराए । तर, २०८९ फागुनमा फेरि केन्द्रमा सत्ता गठबन्धनमा फेरबदल भयो ।
यसपटक सत्ता गठबन्धनबीच भागवण्डा हुँदा कर्णाली एमालेको भागमा प¥यो । सोमबार राति प्रधानमन्त्री तथा माओवादी केन्द्र अध्यक्ष प्रचण्डले एमालेलाई सत्ता हस्तान्तरण गर्न निर्देशन दिए । पार्टी अध्यक्षले नै एमालेलाई सत्ता हस्तान्तरण गर्न भनेपछि सहजै कँडेल मुख्यमन्त्री हुने अनुमानका बीच माओवादी केन्द्रका उपमहासचिव जनार्दन शर्माको बलमा मुख्यमन्त्री राजकुमार शर्माले राजीनामा नलिने अडान कसे । तीन दिनको अनवरत भेटघाट, छलफलपछि अन्ततः मुख्यमन्त्री शर्माले राजीनामा दिएर कँडेलका लागि मुख्यमन्त्री बन्ने ढोका खुलेको हो ।प्रदेश प्रमुख तिलक परियारले सात दिनको समय सीमा तोकेर दलहरुलाई संयुक्त सरकार गठनका लागि आव्हान गरेसंगै माओवादी केन्द्रको समर्थनमा उनी प्रदेशको चौथो मुख्यमन्त्री बन्नेछन् ।
कर्णाली समय । २१ चैत्र २०८०, बुधबार २१:३०