सुर्खेत– नेकपा एमाले सुर्खेतको नवौं जिल्ला अधिवेशनबाट अध्यक्षमा कुलमणि देवकोटा निर्वाचित भएका छन् ।
आइतबार मध्यराति सम्पन्न मतगणना अनुसार निवर्तमान अध्यक्ष अमृत कुमार बिसीलाई २१९ मतान्तरले पराजित गरे । खसेको कुल ४९५ मतमध्ये देवकोटाले ३५१ मत पाए भने बिसीले १३२ मत पाए ।
देवकोटा यसअघि जिल्ला उपाध्यक्ष समेत थिए । पदाधिकारीमा पनि देवकोटाको प्यानलै विजयी भएको छ । उपाध्यक्षमा मोहनसिं बडुवाल निर्वाचित भएका छन् । सचिवमा डम्बर तिवारी, उप–सचिव खुलामा टिकाराम सोमै र महिलामा सुशिला विश्वकर्मा निर्वाचित भएका छन् ।
सदस्यहरूको मतगणना भने जारी छ ।
कर्णाली समय । १२ चैत्र २०८०, सोमबार ११:२६