सुर्खेत–बराहताल गाउँपालिका वडा न. ४ स्थित हुड्के क्युरेनीमा सडक कालोपत्रेको काम शुरु भएको छ । कर्णाली प्रदेशसभा सदस्य विन्दमान विष्टले उक्त खण्ड कालोपत्रेका लागि विहीबार शिलान्यास गरेका हुन् ।
हुड्के क्युरेनी सडकको लम्बाई १७ दशमलव ७ किलोमिटर छ । खड्का कन्ट्रक्सनले ६१ करोड लागतमा आगामी २०८३ अषार १५ भित्र उक्त सडक निर्माणको काम सम्पन्न गर्ने सम्झौता रहेको छ । सडक कालोपत्रे भएपछि हुर्के, क्युरेनी,साझघाट, कुटा, चेपाङ, ईखेनु, बुटी लगायत ठाउमा सडक यातायात सहज रुपमा सञ्चालन हुनेछ । सो सडक बराहताल गाउँपालिका वडा न. ८,४,३,५र ६ साथै पञ्चपुरी नगरपालिकाको जामु तातापानीसम्म जोडिने छ ।
सामान्य रुपमा यातायातका साधन सञ्चालन हुँदै आएको उक्त क्षेत्रमा काम सडक पिच भएपछि बाह्रै महिना यातायात सुविधा उपलव्ध हु्नेछ ।
कर्णाली समय । १८ आश्विन २०८०, बिहीबार १४:३५