सुर्खेत– कर्णालीका मुख्यमन्त्री राजकुमार शर्मा भदौ १४ गते स्वीट्जरल्याण्डको भ्रमणमा जाने भएका छन् ।
अन्तर्राष्ट्रिय मानवअधिकार आयोग, अन्तर सरकार संस्थाको आयोजनामा स्वीट्जरल्याण्डमा हुने कार्यक्रममा सहभागी हुनका लागि मुख्यमन्त्री शर्मा त्यसतर्फ जान लागेको मुख्यमन्त्रीको सचिवालयले जनाएको छ ।
कार्यक्रम सेप्टेम्बर १ र २ मा हुँदैछ । वित्तीय, सामाजिक, मानवता, निजी, सहकारी, समुदाय र हरित कार्यक्रम समेटिएको सो सेमिनारमा कर्णाली सरकारसँग सहकार्यकाबारे छलफल हुने बताइएको छ ।
मुख्यमन्त्रीको भ्रमणलाई संघीय सरकारले अनुमति दिइसकेको छ । मुख्यमन्त्री शर्माले आफ्नो भ्रमणलाई स्वीट्जरल्याण्ड भ्रमण कर्णालीमा लगानी भित्र्याउने, रोजगारीको सिर्जना गर्ने तथा समृद्धिको कार्यक्रमलाई अगाडि बढाउने सन्दर्भसँग जोडिएको बताएका छन् ।
कर्णाली समय । १० भाद्र २०८०, आईतवार १०:२९