सुर्खेत–मदन भण्डारी फाउन्डेशन जिल्ला कमिटी सुर्खेतको अध्यक्षमा टेकेन्द्रकुमार बस्नेत चयन भएका छन् । सुर्खेतमा आइतबार सम्पन्न जल्ला भेलाले बस्नेतको अध्यक्षतामा १७ सदस्यीय कमिटी सर्वसम्मत चयन गरेको हो ।
भेला फाउन्डेशनका जिल्ला अध्यक्ष तथा नेकपा (एमाले) का केन्द्रीय सदस्य नवराज रावतको अध्यक्षता र फाउन्डेशनका केन्द्रीय सदस्य टीका विष्टको प्रमुख आतिथ्यतामा सम्पन्न भएको थियो । कमिटीको उपाध्यक्ष नन्दलाल शर्मा, सचिव नेत्रलाल महतारा, कोषाध्यक्ष धनसरा सुनार चयन भएका छन् ।
सदस्यहरुमा धुपेन्द्र शाही, सन्देश थापा, डम्बर गरञ्जा, तेजप्रकाश रिमाल, रत्ना धराल, दलबहादुर खड्का, यामलाल घिमिरे, नन्दराम अधिकारी, नीरक ओली, महेन्द्र शर्मा, पदम ओली, तेजबहादुर रोकाया र मोहन विसी रहेका छन् ।
अध्यक्ष बस्नेतले जनताको बहुदलीय जनवादका प्रर्वतक जननेता स्वर्गीय मदन भण्डारीको विचारलाई स्थापित गर्ने, जनउत्तरदायी एवं अनुशासित सामाजिक राजनीतिक संगठनलाई प्रर्वद्धन गर्ने प्रतिवद्धता जनाए । विद्यार्थी राजनीतिबाट उदाएका अध्यक्ष बस्नेत एमाले सुर्खेतमा वैचारिक र कुशल संगठकका रुपमा स्थापित छन् ।
कर्णाली समय । ३ असार २०८०, आईतवार १८:३९