सुर्खेत– सेवा निवृत्त शिक्षकहरुको साझा संगठन नेपाल निवृत्त शिक्षक समाज सुर्खेत समिति गठन भएको छ । जन नमूना माविको हलमा ज्येष्ठ सदस्य खडानन्द शर्मा अधिकारीको अध्यक्षतामा सम्पन्न प्रथम भेलाले ११ सदस्यीय तदर्थ समिति गठन गरेको हो ।
तदर्थ समितिको अध्यक्षमा डम्मर ढकाल, उपाध्यक्षमा जगतमाया शर्मा, मातृकाप्रसाद अधिकारी, सचिवमा खड्कप्रसाद गौतम र कोषाध्यक्ष गोविन्द शर्मा अधिकारी चयन भएका छन् । सदस्यहरुमा जितबहादुर रामजाली, यामलाल घिमिरे, कुमारबहादुर ढकाल, प्रेमप्रसाद पौडेल, प्रेमप्रसाद गौतम, डिल्लीराम शर्मा र शान्तिप्रसाद गौतम सर्वसम्मत चयन भएका छन् ।
भेलालाई पेशागत महासंघका केन्द्रीय सचिव एवं कर्णाली प्रदेश इञ्चार्ज शिवप्रसाद सापकोटा, नेपाल शिक्षक महासंघका केन्द्रीय उपाध्यक्ष तीर्थजंग शाही, पुराना शिक्षक मिनबहादुर केसी लगायतले शुभकामना मन्तव्य दिएका थिए । तदर्थ समितिका अध्यक्ष डम्मर ढकालले ६ महिनाभित्र साधारणसभा तथा अधिवेशन बोलाएर नयाँ कार्य समिति चयन गरिने जानकारी दिए । सेवा निवृत्त शिक्षकहरुको शिक्षा क्षेत्रमा हासिल ज्ञान, सीप, अनुभवलाई राज्यका निकायले उपयोग गर्नुपर्ने उनको भनाई छ ।
कर्णाली समय । ३१ जेष्ठ २०८०, बुधबार १८:३३