सुर्खेत- आज बिहान बसेको कर्णाली प्रदेश सरकारको मन्त्रिपरिषद् बैठकले कर्णाली प्रदेश खेलकुद विकास परिषद्को सदस्य सचिवमा रविन्द्र चन्द्रलाई नियुक्त गरेको छ । उनी वीरेन्द्रनगर नगरपालिका ७ सुर्खेत निवासी हुन् ।
परिषद् उपाध्यक्षमा प्रमोद हमाल (वीरेन्द्रनगर नपा ५ सुर्खेत) लाई नियुक्त गरेको छ । त्यस्तै सदस्यहरुमा पंखबहादुर मल्ल (खाँडाचक्र नपा ७ कालीकोट), भीमकुमारी भुसाल (वीरेन्द्रनगर ३ सुर्खेत), गोर्खबहादुर शाही (चंखेली गापा ४ हुम्ला), पवनकुमार थापा (दुल्लु नपा ८ दैलेख) र किरणकिशोर सापकोटा (वीरेन्द्रनगर नपा ४ सुर्खेत) लाई मनोनयन गर्ने निर्णय गरेको सरकारका प्रवक्ता एवम् भूमी व्यवस्था, कृषि तथा सहकारीमन्त्री विनोदकुमार शाहले जानकारी दिए ।
कर्णाली समय । १२ चैत्र २०८२, बिहीबार ०९:१५