काठमाडौं । कञ्चनपुरको माटोले कमलालाई सामान्य छोरीका रूपमा मात्र जन्माएको होइन, उसले एक चेतना, एक अभियान र एक आन्दोलनको रूप दिएको छ । समाजले छोरीलाई घरको चौघेराभित्र सीमित गर्न खोज्दा कमलाले त्यही सीमाना तोड्दै प्रश्न गर्न थालिन—किन ? किन छोरी बाहिर निस्कन नहुने ? किन अभाव, अन्याय र भोकमरी सधैं एउटै वर्गको भाग्य बन्ने ?
यही प्रश्नले उनलाई विद्यार्थी राजनीतितर्फ डो¥यायो । अनेरास्ववियुको राजनीतिमा जोडिँदै उनले केवल पद होइन, विचार बोकिन् । संगठनलाई बुझ्ने मात्रै होइन, संगठनमार्फत समाज बुझ्ने र बदल्ने यात्रामा उनी लागिन् । विद्यार्थी आन्दोलनको मैदानबाटै उनी नेतृत्वको कठोर पाठ सिक्दै अघि बढिन् ।
कलिलै उमेरमा १०औँ राष्ट्रिय महाधिवेशन (सौराह) बाट नेकपा (एमाले) जस्तो देशकै प्रमुख राजनीतिक शक्तिको केन्द्रीय सदस्य बन्नु सामान्य घटना थिएन । त्यो उपलब्धि संघर्ष, लगनशीलता र क्षमताको सार्वजनिक स्वीकृति थियो । युवा, महिला र नयाँ पुस्ताको आवाज केन्द्रीय राजनीतिमा पु¥याउने प्रतीक बनेर कमला स्थापित भइन् ।
आज उनी फेरि एमालेको ११औँ राष्ट्रिय महाधिवेशनमा खुला महिला तर्फ केन्द्रीय सदस्यको उम्मेदवार बनेकी छन् । निरन्तरताको यो यात्रा पदको लोभ होइन, अधुरा सपना पूरा गर्ने जिम्मेवारीको निरन्तरता हो । युवाका मुद्दा, महिलाको आवाज र पुस्ताको अपेक्षा अझै संस्थागत गर्न बाँकी रहेको उनको ठम्याइ छ ।
कमलाको राजनीतिक दृष्टिकोण स्पष्ट छ । राष्ट्रियता, स्वाभिमान र संविधानको सवालमा उनी कुनै सम्झौताको पक्षमा छैनन् । यही कारण अध्यक्ष केपी शर्मा ओलीप्रति उनको समर्थन दृढ देखिन्छ । उनका लागि ओली केवल पार्टी नेता होइनन्, कठिन समयको निर्णायक नेतृत्व हुन्—जो दलका लागि मात्र होइन, देशका लागि आवश्यक छन् ।
आज मुलुक राजनीतिक अन्योल, दिशाहीनता र बाह्य दबाबको चपेटामा परेको बेला कमला जस्ता अनुशासित, वैचारिक र संघर्षबाट खारिएका युवा नेतृहरूको आवश्यकता झन् बढेको छ । जेनजी आन्दोलनले उठाएका प्रश्नहरूलाई भावनामा होइन, नीति, सिद्धान्त र जिम्मेवारीमा रूपान्तरण गर्न सक्ने नेतृत्वको खोजी भइरहेको बेला उनी विकल्प होइन, आवश्यकता बनेर उभिएकी छन् ।
कमलाको उपस्थिति केवल महिला प्रतिनिधित्वको विषय होइन । यो पुस्तान्तरणको सन्देश हो, राजनीतिमा अनुशासन र विचारको पुनस्र्थापना हो । उनी एमालेको केन्द्रीय कमिटीमा पुगेमा त्यो एउटा व्यक्तिको जित मात्र हुनेछैन—त्यो युवा, महिला र संघर्षशील पुस्ताको आत्मविश्वासको जित हुनेछ ।
कञ्चनपुरको माटोबाट उठेकी कमला आज केन्द्रको राजनीतिमा केवल देखिन चाहँदैनन्, दिशा दिन चाहन्छिन् । त्यसैले यो महाधिवेशनमा एमालेको केन्द्रीय नेतृत्वमा कमलाको उपस्थितिले पार्टीको राजनीति अझ गहिरो, अझ जिम्मेवार र अझ भरोसायोग्य बन्ने अपेक्षा गरिएको छ ।
कर्णाली समय । ३० मंसिर २०८२, सोमबार २१:२१