सुर्खेत- कर्णाली प्रदेश जलस्रोत तथा ऊर्जा विकास मन्त्रालय मातहतका १० जिल्लामा रहेका कार्यालयहरूको बार्षिक प्रगति समीक्षा सुरु भएको छ । आर्थिक वर्ष २०८१/८२ को वार्षिक प्रगति समीक्षा तथा आगामी वर्षको कार्यक्रमहरु माथि छलफल सुरु भएको मन्त्रालयका प्रवक्ता सिडिई पदमराज देवकोटाले जानकारी दिए ।
जलस्रोत तथा ऊर्जा विकासमन्त्री विजया बुढाको प्रमुख आतिथ्यता र मन्त्रालयका सचिव इन्द्रदेव भट्टको अध्यक्षतामा आयोजित वार्षिक प्रगति समीक्षा कार्यक्रममा मन्त्रालयअन्तर्गतका १०जिल्लाका कार्यालय प्रमुखहरू, मुख्यमन्त्री तथा मन्त्रिपरिषद्को कार्यालय र राष्ट्रिय योजना आयोगका प्रतिनिधि, मन्त्रालयका महाशाखाका प्रमुख लगायतको सहभागिता रहेको छ ।
कार्यक्रममा खानेपानी, सिँचाइ तथा ऊर्जा विकास निर्देशनालयसहित ९ जिल्ला कार्यालयका प्रमुखहरुले आर्थिक वर्ष २०८१÷०८२ मा सम्पादित कार्यहरुको प्रगति विवरण प्रस्तुत गरिरहेका छन् । मन्त्रालयले यो वर्ष विनियोजित २ अर्ब ८६ करोड बजेटमध्ये २ अर्ब २८ करोड (७९.५४%) खर्च गरेको छ । जसमा चालुतर्फ ६७.३६% र पुँजीगततर्फ ८०.५५% बजेट कार्यान्वयन भएको छ । यो खर्च कर्णाली प्रदेशका विकासे मन्त्रालयहरूमध्ये सबैभन्दा बढी हो ।
कर्णाली समय । ७ श्रावण २०८२, मंगलवार १६:४५