सुर्खेत- कर्णाली प्रदेश सरकारले बाढी-पहिरो र डुबान प्रभावित नागरिकको सहायताका लागि प्रधानमन्त्री दैवी प्रकोप उद्वार कोषमा रू ५० लाख सहयोग उपलब्ध गराउने निर्णय गरेको छ ।
प्रदेश मन्त्रिपरिषद्को मंगलबार बसेको बैठकले काठमाडौ उपत्यका लगायतका देशका विभिन्न स्थानमा बाढी पहिरोबाट भएको जनधनको क्षतिप्रति दुःख व्यक्त गर्दै आर्थिक सहायता प्रदान गर्ने निर्णय गरेको हो । विहीबार र शुक्रबारको वर्षाले मध्य र पूर्वी नेपाल बढी प्रभावित बनेको छ । हालसम्म बाढी पहिरो र डुबानमा परी २१७ जनाको मृत्यु र २८ जना अझैं बेपत्ता छन् ।
त्यस्तै बैठकले प्रदेशसभाको चालू अधिवेशन पनि अन्त्य गरेको छ । बैठकले मंगलबार राती बजेबाट अधिवेशन अन्त्य गर्न प्रदेश प्रमुखसमक्ष सिफारिस गर्ने निर्णय गरेको हो ।
कर्णाली समय । १५ आश्विन २०८१, मंगलवार १६:२२