सुर्खेत– कलाकार भरत शाही ठकुरीले “जाउ जाउ चेली” बोलको पञ्चेबाजा म्युजिक भिडियो सार्वजनिक गरेका छन् । आफ्नी बहिनीको कन्यादान गर्दाको दृश्य छायांकन गरिएको म्युजिक भिडियोमा कुलेन्द्र विक, रेशम निर्दोष र पार्वती थापाको स्वर रहेको छ ।
भानुभक्त रिजालको शब्द र डोलराज बारघह्रेको संगीत रहेको म्युजिक भिडियोको निर्देशन चन्द्र मन्दिर, छायाकंन चन्द्र मन्दिर र कृष्ण बुढा तथा सम्पादन निर्मल प्याकुरेल गरेका छन् । सुर्खेतमै छायांकन गरिएको यस भिडियोमा अधिकांश सुर्खेती कलाकारले अभिनय गरेका छन् । भरत शाही अफिसियल युट्युब च्यानलबाट आफ्नो दोस्रो म्युजिक भिडियो जाउ जाउ चेली सार्वजनिक गरेका हुन् । कलाकार शाहीले कर्णालीको मुख्य लोक संस्कृति पञ्चेबाजालाई प्रर्वद्धन गर्न विवाहको क्षणलाई कैद गरिएको बताए ।
हेर्नुस युट्युब लिंक
कर्णाली समय । ७ माघ २०८०, आईतवार २१:१९