सुर्खेत– रसायन तथा मेडिकल आपूर्ति संघ नेपाल सुर्खेतको टोली राहत सामग्रीसहित भूकम्प प्रभावित क्षेत्रतर्फ प्रस्थान गरेको छ । सर्जिकल स्वास्थ्य सामग्री, लत्ताकपडा र खाद्यान्न सामग्री लिएर टोली शनिबार जाजरकोट पुगेको हो ।
संघका सुर्खेत उपाध्यक्ष रवि थापाले छिमेकी जिल्लाका नागरिकले ठूलो विपत्ति भोगिरहेकाले राहत सामग्री लिइर जाजरकोट र रुकुम पश्चिम जाने बताए । जाजरकोटको बारेकोट गाउँपालिकाको रामीडाँडा केन्द्रबिन्दु भएर शुक्रबार राती ११ः४७ मा गएको ६.४ रेक्टर स्केलको भूकम्पमा परी मृत्यु हुनेको संख्या १५७ पुगेको छ ।
भूकम्पमा परी १७० जना घाइते भएका छन् । घाइतेको विभिन्न अस्पतालमा उपचार भइरहेको छ । घाइतेको उद्धारसंगै विभिन्न निकाय र संघसंस्थाहरु राहत साम्रगी लिएर प्रभावित क्षेत्रमा पुगेका छन् ।
कर्णाली समय । १८ कार्तिक २०८०, शनिबार १९:२५