सुर्खेत– जाजरकोटको बारेकोट गाउँपालिकाको रामीडाँडा केन्द्रबिन्दु भएर गएको भूकम्पमा परी मृत्यु हुनेको संख्या १३६ पुगेको छ । शुक्रबार राती ११ः४७ मा ६.४ रेक्टर स्केलको भूकम्प गएको थियो । भूकम्पबाट जाजरकोट र रुकुममा गरी १३६ को मृत्यु १६५ घाइते भएका हुन् ।
नेपाल प्रहरीका अनुसार जाजरकोटमा ९८ र रुकुम पश्चिममा ३८ जनाले ज्यान गुमाएका छन् । घाइते जाजरकोटमा ८१ र रुकुम पश्चिममा ८५ जना रहेका छन् । गम्भीर घाइतेको नेपालगञ्ज, काठमाडौं, सुर्खेत र सामान्य घाइतेको चौरजहारी र जाजरकोटमै उपचार भइरहेको छ ।


कर्णाली समय । १८ कार्तिक २०८०, शनिबार १४:५२