सुर्खेत– राष्ट्रसेवक कर्मचारी समेत रहेका कलाकार कुमार रेग्मीले नयाँ म्युजिक भिडियो सार्वनजिक गरेका छन् । ‘कता हिँडेकी’ बोलको उनको गीत जोसेफ शाही अफिसियल युट्युव च्यानलमार्फत सार्वजनिक गरिएको हो ।
गीतमा लय र शब्द रेग्मीकै छ भने गायक जोसेफ शाहीको स्वर तथा मिस पवि, विनायकराज पोखरेल र कुमार रेग्मीको अभिनय छ । म्युजिक भिडियोको छायांकन गौरव गिरीले गरेका हुन । रेग्मी हाल सामाजिक विकास मन्त्रालयमा कार्यरत छन् । उनी लेखा अधिकृत हुन् । यसअघि उनले दैलेख बजार, दुखारी मन, माया गर्दा, म एक्लैछु लगायत आधा दर्जन गीत सार्वजनिक गरिसकेका छन् ।
बाल्यकालदेखि संगीतप्रति रुची राख्ने रेग्मीका पछिल्लो सार्वजनिक ‘कता हिँडेकी’मा बोलको नयाँ गीतमा मन परेकी प्रेमिकालाई आफ्नो बनाउन अनेकौं भावना अभिव्यक्त गरेको कथा समावेश गरिएको छ ।
कर्णाली समय । ३१ जेष्ठ २०८०, बुधबार १४:५०