काठमाडौं – काठमाडौँको टोखा नगरपालिकाका विभिन्न वडाका कांग्रेस र माओवादी तथा स्वतन्त्र गरी ७१ जना युवाहरू विकेश थापा मगर र राजेन्द्र लामाको नेतृत्वमा नेकपा एमालेमा प्रवेश गरेका छन् ।
बसुन्धारामा बुधवार साँझ आयोजित कार्यक्रममा एमाले वरिष्ठ उपाध्यक्ष एवं काठमाडौँ क्षेत्र नम्बर ५ का प्रतिनिधिसभा सदस्यका उम्मेदवार ईश्वर पोखरेलले उहाँहरूलाई पार्टीमा स्वागत गर्नुभयो ।
सो अवसरमा वरिष्ठ उपाध्यक्ष पोखरेलले युवाहरूको भावनालाई आफूले सम्मान गर्दै उचित जिम्मेवारी दिने बताउनुभयो ।
काठमाडौँ क्षेत्र नम्बर ५ मा नेकपा एमालेको पक्षमा लहर आएको बताउँदै उहाँले यस क्षेत्रको जनताको माया, स्नेह र सकारात्मक प्रतिक्रियाबाट आफूहरू उत्साहित भएको बताउनुभयो ।
कर्णाली समय । १ मंसिर २०७९, बिहीबार १३:१५