सुर्खेत– सुर्खेत महिला जेसीजको उत्कृष्ट नारीमा नन्दा बस्याल सम्मानित भएकी छन् । विश्व स्योङ्नाम हान्मादाङ अन्तर्राष्ट्रिय तेक्वान्दो च्याम्पियनसिपमा स्वर्ण पदक विजेता नन्दा बस्याललाई सुर्खेत महिला जेसीजले शनिबार सम्मान गरेको हो ।
कार्यक्रममा प्रदेश सरकारका आर्थिक मामिला तथा योजनामन्त्री वेदराज सिंहले बस्याललाई जेसिस सम्मान प्रदान गरेका थिए । वीरेन्द्रनगर ६ निवासी बस्याल राष्ट्रिय खेलकूद परिषद्को कार्यकारी सदस्य तथा राष्ट्रिय खेलकूद महासंघकी केन्द्रीय उपाध्यक्ष हुन् । सुर्खेत महिला जेसिसले हरेक वर्ष उत्कृष्ट नारी सम्मान गर्दै आएको छ ।
जेसिसको सप्ताहव्यापी कार्यक्रम समापनमा मन्त्री सिंहका साथै नेपाल जेसिस वर्ष २००५ का राष्ट्रिय अध्यक्ष गेहेन्द्रप्रसाद दाहाल, सुर्खेत उद्योग वाणिज्य संघका अध्यक्ष लक्ष्मण कँडेल, नेपाल यातायात व्यवसायी महासंघ कर्णाली प्रदेशका अध्यक्ष रमेश सापकोटा, सुर्खेत महिला जेसिसका संस्थापक अध्यक्ष सीमा चन्द लगायतले शुभकामना व्यक्त गरेका थिए ।

कर्णाली समय । २ भाद्र २०८०, शनिबार २२:०४